Блог

28-02
2023
Л.Н. Гумилев атындағы ЕҰУ студенттері Bilim Media Group компаниясында Online Mektep жобасы аясында тағылымдамадан сәтті өтті

 

    Л.Н. Гумилев атындағы Еуразия ұлттық университетінің «6В054 – Математика және статистика» мамандықтарының 4 курс студенттері Bilim Media Group-та тағылымдамадан сәтті өтіп, естелік сертификаттарға ие болды.

    Бұл мүмкіндік Bilim Media Group пен Л.Н. Гумилев атындағы ЕҰУ арасындағы екіжақты ынтымақтастықтың арқасында пайда болды. Тыңдаушылар білім беру мазмұнын әзірлейтін, локализациялайтын және тарататын ұйымның қызметі мен құрылымын, сондай-ақ соған байланысты технологиялар мен қызметтерді зерттеді.  6 апта ішінде интерн-студенттер әртүрлі тапсырмаларды орындады: 

  • онлайн оқытуға арналған білім беру платформасы Online Mektep жобасының шеңберінде «Математикалық пәндер» командасының менеджерінің жетекшілігімен математикалық пәндер бойынша цифрлық білім беру ресурстарын әзірлеумен (құрастырумен) және тексерумен айналысты;

  • LATEX жүйесін пайдалана отырып, олар Content Constructor Bilim Land цифрлық сабақ конструкторында математикалық формулаларды құрастырумен айналысты;

    Adobe Illustrator векторлық графикалық редакторын пайдалана отырып, математикалық пәндер бойынша цифрлық сабақтарға диаграммалар, кестелер, геометриялық фигуралар және графиктер сыздық.

Тәжірибе соңында студенттер «Online Mektep» жобасының басшылығымен кездесіп, тәжірибені ұйымдастыруды одан әрі дамыту және жетілдіру бағыттарын талқылап, жағымды әсерлерімен бөлісті.

Студенттер Темірбаев Дамир мен Матыбаева Салтанат Online Mektep жобасының контент-инженерлері ретінде тәжірибеден өтіп, жаңа пайдалы дағдылар мен тәжірибе алуға мүмкіндік бергені үшін ұжымға алғыстарын білдірді.  Студенттер сонымен қатар компания қызметкерлерінің достық қарым-қатынасын атап өтіп, бос уақытты ұйымдастырып, қызықты ойындар мен жарыстар өткізгені үшін алғыстарын білдірді.

Біздің ұжым болашақ мамандарға сәттілік пен табыс тілей отырып, Л.Н. Гумилев атындағы Еуразия ұлттық университетіне ынтымақтастық пен сенім үшін алғысын білдіреді.

684